la tenrura del sospiru

"Qué pena ye la que fura
l'alma que ties en sin calma?
-non ye pena, ye tenrura
que non me cabe 'n el alma.
-Sospira, que si se finca
metanes l'alma un deseu,
con un sospiru se arrinca
pa que alite ´n un oreu;
y el cielu mismu, tan llisu,
si ta xarazau d'estrelles,
llancia un sospiru al avisu,
desenclavando una d'elles.
sospira...!
-Ya sospiré...!
-Calecisti?
-Un pocoñín...!
Y cuando yo i entrugué
por qué sospiraba asin,
rellampiagói la carina
de colorinos bermeyos,
y sonriyó mansulina,
y chó p'en baxo los güeyos...
Y cuando amiré pa ella,
escurrí yo con recelu
que se cayera una estrella
porque sospirara l' cielu..."

C.Cabal (L'Alborá de los Malvises)